کتابخانه

ای دلبر آفاقک مفتونی نامۀ نامیلری مطالعه اولندی

فهرست مطالب

استانبولده

ناظم بیک افندینک همشیره محترمه‌لرینه

هواللّه

ای دلبر آفاقک مفتونی نامۀ نامیلری مطالعه اولندی بیان حقیقت ایدی لسان فصاحت ایدی کلام بلاغت ایدی مطالعه ایلدم عمیقانه ملاحظه ایلدم مفهومندن محظوظ اولدم جناب حقّه تشکّر ایلدم که الحمد للّه طائفه نسادن فطین و زیرک خانم‌لر اسکیمش کهنه‌لنمش بر طاقم تقالید جاهلانه‌دن قورتولمشلردر و حقیقته وارمیشلردر دیده حقّ‌بین آچمشلردر و لسان حقّ‌گوی ایله ستایش ربّ غفوره باشلامشلردر ربّم سزی شمع‌آسا نور انجمن نساء ایلیه و انجم ‌گبی افق حقیقتدن نمایان و اقالیمه تابان و درخشان ایلیه آمین

٨ ربیع‌الاوّل ١٣٣٨

حیفا

عبدالبهاء عباس